Leao zbulon se ka refuzuar Interin para kalimit te Milanit: Do e bëja 100 herë!

Në prag të rikthimit në fushë, ndoshta që këtë fundjavë kundër Napolit, ylli i Milanit Rafael Leão ka zbuluar një histori të panjohur nga fillimet e tij kuqezi. Në një intervistë për podcastin Say Less, sulmuesi portugez rrëfeu se në verën e vitit 2019 ishte shumë pranë kalimit te Interi, por refuzoi vetë transferimin: “Drejtori sportiv i Lille donte të më shiste, por unë thashë jo. Doja të qëndroja edhe një vit për t’u rritur.”

Gjithçka ndryshoi kur në garë u fut Milani. Një video-thirrje nga legjenda Paolo Maldini i hapi përfundimisht rrugën transferimit: “Më tha që më donin në Milano. Në atë moment, nuk mund të thosha jo.”

Leão pranoi gjithashtu se që fëmijë ishte i dashuruar me fanellën kuqezi dhe me legjendat si Ronaldinho, Kakà dhe Seedorf. Për të nuk ka asnjë dyshim: “Midis Milanit dhe Interit? Milani, njëqind herë.”