Leipzig shkatërron në finalen e Superkupës Bayernin, Olmo shkëlqen me tripletë (VIDEO)

RB Leipzig ka fituar Superkupën e Gjermanisë, duke shkatërruar Bayern Munichun me rezultat 3-0 në Allianz Arena. Dani Omo zhbllokoi ndeshjen që në minutën e 3-të.

Kur pritej që të mbyllej pjesa e parë Olmo shënoi edhe një herë për RB Leipzig për rezultatin 2-0. Thomas Tuchel u mundua të ndryshojë në skuadër duke bërë zëvendësime, ku mes tyre ishte dhe Harry Kane.

Gjithsesi as ai nuk e  ndihmoi pasi Leipzig fitoi penallti në minutën e 67-të, ndërsa nga pika e bardhë ishte i saktë Olmo që shënoi për 3-0, duke kompletuar tripletën personale.

Bavarezët tentuan të shënonin së paku golin e nderit, por nuk ia arritën. RB Leipzig në verë largoi dy yje si Josko Gvardiol dhe Christpoher Nkunku, por sërish arrin që të fitojë ndaj një ekipi të madh si Bayerni.