Leverkusen fiton në Romë dhe hedh një hap drejt finales, Marseille dhe Atalanta ndahen në “paqe”

Bayer Leverkusen fitoi 0-2 në “Olimpico” përballë Romës, duke hedhur një hap të sigurt drejt kualifikimit në finalen e Europa League. Florian Wirtz kaloi në avantazh në pjesën e parë të pathyeshmit e Xabi Alonsos. Ndërkohë që goli i qetësisë erdhi falë një gjuajtjeje fantastike të Robert Andrich 17 minuta përpara fundit.

Marseille-Atalanta u mbyll në barazim 1-1, duke lënë gjithçka të hapur për sfidën e kthimit në Itali.Gianluca Scamacca kaloi italianët në avantazh në minutën e 11-të, por vendasit reaguan nëntë minuta më vonë. Kur barazuan falë një goditjeje potente të kongolezit Chancel Mbemba.