Liverpooli fitore dramatike ndaj Palace, United nuk ndalet më me Solskjaer (VIDEO)

Liverpool dhe Manchester United kanë bërë detyrën në sfidat e radhës në Premier League duke rrëmbyer suksese shumë të rëndësishme. Skuadra e Jurgen Klopp ka triumfuar me shumë vuajtje 4-3 ndaj Crystal Palace, nënjë ndeshje që rezultoi shumë më e vështirë se sa u mendua ne letër.

Miqtë madje kaluan të parët në avantazh në minutën e 34-t me Townsend, duke e mbyllur në avantazh pjesën e parë. Liverpooli reagoi në mënyrë të furishme në pjesën e dytë, duke shënuar pas 120 sekondash me Salah, ndërkohë që më pas Firmino kaloi për herë të parë në avantazh “The Reds” në minutën e 53-të.

Gëzimi i vendasve nuk do të zgjaste shumë, teksa Tomkins në të 65-n vendosi sërish heshtjen duke barazuar rezultatin. Gjithsesi Liverpooli është një skuadër e fat, pasi ka një futbollist si Salah që e kalon në avantazh, ndërkohë që Mane shënoi dhe golin e katërt edhe pse kishin mbetur me një lojtar më pak pas daljes me karton të kuq të Milner. Crystal Palace realizoi dhe golin e tretë që kishte vlera sa për statistika për Meyer. Liverpooli ruan kryesimin me 60 pikë, 7 më shumë se City.

Manchester United mori një tjetër fitore shumë të rëndësishme 2-1 ndaj Brighton. Paul Pogba me penallti në minutën e 27-të  dhe Rashford 3 minuta nga fundi i pjesës së parë me një “perlë” bën të pavlefshëm golin e Groos të miqve, duke marrë fitoren e 5-të radhazi. /Koha Jone/