Lojtarët e Legias u rrahën nga tifozët, Sadiku tregon të vërtetën e ngjarjes

Armando Sadiku ka dalë në konferencë për shtyp, ku ka folur para ndeshjes me Spanjën. Sulmuesi kuqezi zbuloi fillimisht se çfarë ka ndodhur pas humbjes 0-3 kundër Lech Poznan në fundjavë në kampionatin polak të futbollit.

Lojtari i Legias së Varashavës deklaroi: “Po është e vërtetë se u mërzitëm shumë pas ndeshjes derbi. Media e ka ekzagjeruar, pasi kemi pasur thjesht një takim me tifozët. Nuk ka ndodhur asgjë, u mërzitëm shumë se kjo ndeshje është si jetë a vdekje për ne”, tha fillimisht ai.