Luftëtari zgjedh trajnerin e ri, të enjten prezantohet uruguaiani Daniel Fernandez

Burime të sigurta pranë klubit bënë me dije për gazetën se palët kanë firmosur kontratën mes tyre dhe trajnerit i është prerë bileta e udhëtimit drejt Shqipërisë. Ai do të jetë të enjten në Gjirokastër ku do të prezantohet para mediave dhe grupit të lojtarëve.

Ndërkohë është mësuar dhe emri i zv. trajnerit të ri të Luftëtarit. Bëhet fjalë për uruguaianin 45-vjeçar Luis Kurbelo i cili ka një eksperiencë në futbollin e luajtur në ligat elitare të Uruguait, Finlandës dhe Greqisë. Përgatitësi atletik i skuadrës do të jetë nga Greqia.

Pritet që me ardhjen e trajnerit të ri të afrohen dhe 5 lojtarë nga Amerika Latine, si pjesë e marrëveshjes me agjencinë që ka bërë të mundur sjelljen e trajnerit të ri.