Manaj befason me fjalët e para si lojtar i Granadas

Rey Manaj zyrtarisht është lojtar i ri i Granadas.

Skuadra spanjolle Granada dhe Inter kanë arritur marrëveshje për huazimin një vjeçar të Rey Manajt me mundësi blerje në vitin 2018.

Sulmuesi kuqezi ka befasuar të gjithë pasi ka zbuluar urimet që i kanë përcjellë lojtarët e Interit për këtë lëvizje të zgjuar.

“Shokët e mi te Interi, Medel dhe Murillo më kanë thënë fjalë të mira për klubin e Granadas dhe jam shumë i lumtur për zgjedhjen që kam bërë”, thekson sulmuesi i lindur në Lushnje. Në vijim, Manaj shton se kjo është një mundësi mjaft e mirë në karrierën dhe do të punojë për t’u rritur bashkë me klubin. 20-vjeçari vijon më tej duke theksuar se objektivat e skuadrës janë parësore dhe do të punojë bashkë me grupin për t’i arritur. “Konkurrenca është e mirë për çdo ekip dhe unë premtoj që do të jap maksimumin”, e mbyll fjalën e tij në konferencën e parë të shtypit si lojtar i Granadas.

Sulmuesi i Kombëtares shqiptare do të luajë me klubin e Granadas e cila militon në Segunda Division.

Kujtojmë që Manaj prej vitit 2016 është pjesë e Interit me të cilën ka një kontratë të vlefshme deri në verën e vitit 2020.