Mançester Junajtid mbyll derën e transferimit për Ronaldon

Mançester Junajtid në orët e ardhshëm mund të mbyll transferimin e Aleksis Sançez. Marrëveshja me Arsenalin është arritur, teksa pritet që të ketë një shkëmbim kokë më kokë me Mikitarjan. Ardhja e kilianit në “Old Trafford” do të ketë ndikimin e tij te Real Madridi, sepse automatikisht mbyll rikthimin e mundshëm të Kristiano Ronaldos, një operacion që është përfolur shumë në ditët e fundit. Vija e sulmit të Junajtid tashmë ka shumë yje si: Sançez, Marsial, Rashford, Mata, Lukaku dhe Lingard.

Një detaj që e bën të qartë se Kristiano Ronaldo nuk do të jetë në planet e “Djajve të Kuq” është se Aleksis Sançez do të mbajë veshur fanellën e tij të dikurshme me skuadrën angleze, atë me numrin “7”, një numër i rezervuar teorikisht për pesë herë fituesin e “Topit të Artë” kudo që shkon. Gjithsesi mbetet të shohim kur transferimi i kilianit të bëhet zyrtar. /Koha Jonë/