Maradonën e kap “mallkimi” i Messit

Futbollistët nuk janë personat e vetëm që marrin dëmtime gjatë një seance stërvitore.

Këtë fat, natyrisht të keq ka pasur trajneri i tyre, Diego Armando Maradona. Legjenda e kombëtares së Argjentinës nuk ka mundur ta mbyllë seancën stërvitore me klubin meksikan të Dorados de Sinaloa, pasi ka pësuar një dëmtim në gju.

Siç shikohet nga fotot, ai është parë duke çaluar ndërsa ka lënë fushën me ndihmën e asistentëve të tij. Pas këtij episodi, seanca është drejtuar nga zëvendësi i Maradonës, Luis Islas.

Një episod që vjen menjëherë pas akuzave të “El Pibe d’Oro” kundrejt Lionel Messit, i cili sipas tij nuk është i denjë për të udhëhequr kombëtaren “Albiceleste”. Syri i keq? Ndoshta …