“Marca” zbulon arsyet se përse Solari nuk aktivizon Iscon

Gazeta spanjolle “Marca” ka bërë sot një analizë se përse trajneri Solari nuk e aktivizon titullar mesfushorin Isco.

Gjithçka duket se ka të bëjë me sistemin e lojës, të përdorur nga trajneri i të bardhëve, Santiago Solari.  Megjithëse në javët e fundit kemi parë vendosje taktike të detyruara, një mbrojtje me 3, ku Marcelo luan nga jashtë etj., sistemi bazë i Solarit te Real Madridi është ende 4-3-3.

Mesfushorët e fiksuar janë Casemiro, Kroos dhe Modriç, në pritje të rimëkëmbjes së Marcos Llorente, i cili e kishte përmbushur besimin e Solarit deri në dëmtimin e “adductor”.

Në këtë bazë, besohet se nuk ka vend për Isco, teksa konkurrenca e tij tani është Modric, për të luajtur në pozicionin “8”. Madje, edhe i riu Fede Valverde shfaqet në atë zonë, ka të dhëna premtuese.