Merr fund dilema, Mbappe sot kryen testet mjekësore me klubin e ri

Mungon vetëm zyrtarizimi pasi Kylian Mbappen do të veshë fanellën e Paris Saint-Germain që do të paguajë rreth 180 milionë euro për të marrë kartonin e talentit francez.

Sipas burimeve të “TF1”, talenti francez ditën e sotme do të kryejë testet mjekësore duke kompletuar lëvizjen e tij drejt PSG-së, shkruan “Mundo Deportivo”.

Për shkak të Fair Play-it financiar, Mbappe fillimisht do të transferohet në Paris në formë huazimi, ndërsa në fund të sezonit klubi do të marrë plotësisht kartonin e tij.

Paris Saint-Germain po përgatitet të formojë treshen ideale të sulmit: Mbappe, Cavani dhe Neymar.