Meta kujton legjendën e futbollit Fatmir Frashëri: Nuk është e rëndësishme vetëm të fitosh, por edhe si fiton

Presidenti i Republikës Ilir Meta teksa kujton legjendën e futbollit holandez dhe botëror Johan Cruijff, citon dhe një shprehje të tij duke dhënë dhe një mesazh të koduar ku thekson se nuk është e rëndësishme vetëm të fitosh, por edhe si fiton.

Përmes një postimi në faqen e tij zyrtare në rrjetin social “Facebook”, Presidenti Meta bën dhe një krahasim të legjendës së futbollit botëror me legjendën e futbollit shqiptar Fatmir Frashëri.

Komenti i Presidentit Ilir Meta

Njeriu i cili ndryshoi futbollin botëror, legjenda e Ajax, Johan Cruijff deklaronte se nuk është e rëndësishme vetëm të fitosh, por edhe si fiton. Për të mbështetur këtë filozofi të re, ai publikoi 14 rregullat bazë që i shkojnë aq shumë edhe legjendës kuqezi?? dhe bardhë e blu⚪?, i cili u ndesh si i barabartë me Ajax-in e madhërishëm të asaj kohe. Sidomos rregulli i 14: “Bring beauty to the sport” i shkonte aq shumë Fatmir Frashërit.

Ndaj sot në këto momente dhimbje e nostalgjie, familjes Frashëri, kolegëve dhe të gjithë sportdashësve dua t’u shpreh edhe njëherë mirënjohjen më të thellë për veprën e tij, dhe ne do ta kujtojmë përherë me dashuri me këto foto nga ndeshjet me Ajax-in, ku u mësoi të gjithëve se si duhet të ndeshemi me dinjitet dhe të barabartë edhe me më të mëdhenjtë.??