Milan i falet talentit shqiptar, i jep barazimin 4 minuta nga fundi

Ekipi i të rinjve të Milanit ka marrë një barazim pasditen e djeshme ndaj Fiorentinës, ku arriti të barazonte dhjetë minutat nga fundit. Kuqezinjtë e vegjël barazuan nëpërmjet Emir Muratit, kur mungonin edhe katër minuta nga fundi.

Në fushë për Milanin ishte edhe Ismet Sinani, mesfushori tjetër në radhët e kuqezinjve. Me pikën e djeshme, ekipi i drejtuar Alesandro Lupi ruan vendin e tretë pas Interit të vendit të dytë dhe Atalantës kryesuese me 30 pikë. Në fund të ndeshjes edhe trajneri i skuadrës nuk i ka kursyer komplimentet për të tijtë duke deklaruar:

“Pavarësisht rezultatit, mendoj se luajtëm mirë. Skuadra propozoi një futboll të bukur dhe mendoj se spektatorët u argëtuan. Është shumë bukur t’i shohësh këta djem të arrijnë rezultatet duke e përballuar ndeshjen me buzëqeshje”.