Milani dhe Reali super në vitin 2020, Bayerni “makineri golash”

Futbolli në vitin 2020 është drejt fundit, teksa kjo është koha për të bërë bilance dhe analiza. Duke parë të dhënat mund të shohim se si ka shkuar sezonin në ligat kryesore europiane, si dhe performancën e lojtarëve.

Duke parë statistikat, viti 2020 ishte super për Real Madrid, Milanin dhe Bayern Munich. Los Blancos në 35 ndeshje kanë arritur 26 fitore me një total prej 82 pikësh. Milani ndërkohë shpërthyer pas pandemisë, duke qenë ekipi i vetëm që nuk ka pësuar asnjë humbje. Me 93 gola në 30 ndeshje, Bayerni është shfaqur si një makineri golash. Shumë keq ndërkohë Torino në Itali, duke pësuar më shumë gola në 12 muajt e fundit (74 në 35 ndeshje).

Sa i përket statistikave të futbollistëve në kompeticionet europiane, futbollisti me rendimentin më të mirë është Romelu Lukaku, i ndjekur nga Thomas Muller, Leo Messi, Saelemaekers.