Milani kualifikohet falë maratonës me 24 penallti në Europa League ndaj Rio Ave (VIDEO)

Milan arrin të sigurojë me shumë fat dhe vuajtje një vend për në grupet e Eurpa League, pas një suksesi dramtik në Portugali ndaj Rio Ave. Ndeshja e luajtur në Vila do Conde është zhbllokuar në minutën e 51-të nga belgu Saelemaekers, por kundërpërgjigja e portugezëve nuk ka vonuar. Rio Ave ka barazuar në fillim me Geraldes dhe ka përmbysur më pas me Gelson në fillimin e kohës së parë shtesë.

Kur dukej se vendasit do të merrnin një fitore të madhe ndodhi çmenduria e Borevkovic, i cili ka shkaktuar një penallti në minutën e fundit të kohës shtesë dhe është ndëshkuar me kartonin e dytë të verdhë. Nga pika e bardhë ka shkuar Calhanoglu që ka barazuar 2-2 dhe i ka dhënë një tjetër shans të tijve për të arritur kualifikimin nëpërmjet penalltive. Milani do të tregohej më i saktë nga maratona e penalltive ku fitoi 11-10, teksa Donnarumma i dhuroi kualifikimin ekipit të tij.