Miq apo armiq në fushë? Messi flet troç: Ronaldon e kam…

Fusha i ka ndarë dy futbollistët më të mirë të planetit. Menjëherë pasi fitoi “Këpucën e Artë” dhe pak ditë para dhënies së Topit të Artë për vitin 2017, Lionel Messi ka folur për marrëdhënien e tij me Cristiano Ronaldon.

Ai ka treguar se nuk ka aspak miqësi mes tyre dhe se takohen vetëm me raste ceremonish, ndërsa ka treguar se dyshonte nëse do të mund të ishin miq të mirë. “Nuk është se kemi marrëdhënie, sepse ne flasim vetëm kur takohemi në raste ceremonish. Gjithsesi, nuk e di a do të mund të ishim shokë bashkë”, u shpreh Messi për Ronaldon.

Ata kanë ndarë në dysh opinionin sportive, në lidhje me diskutimin se cili prej tyre është më i mirë. Si Messi dhe Ronaldo e kanë fituar nga 4 herë “Këpucën e Artë”, ndërsa Messi ka fituar 5 “Topa të Artë”, kundrejt 4 të Ronaldos.

Portugezi mund të marrë të pestin, pasi përflitet si favori për t’u shpallur më i miri i këtij sezoni dhe të barazojë yllin e Barçës.