Modriç dhe Kros, dy misionet e pamundura të Realit ndaj PSG-së

Një ditë më shumë dhe një stërvitje më pak. Toni Kros dhe Luka Modriç janë në luftë me kohën për të luajtur në ndeshjen e Ligës së Kampionëve ndaj PSG.

Dyshja e mesfushës prej disa ditësh janë drejt rikuperimit, por siç shkruan “Marca”, Zidane duhet të eksperimentojë në përballjen ndaj parisienëve. Mungesa e tyre u vë re edhe në stërvitje, që lë të kuptohet se kroati dhe gjermani nuk do të mund të ndihmojnë skuadrën në përballjen e vështirë të mërkurës.

Në ndeshjen e parë Reali fitoi në shifrat 3-1 në “Santiago Bernabeu”, falë dopietës së Ronaldo-s dhe golit të Marselos. Madrilenët shkojnë në Paris për të mbrojtur rezultatin që të kalojë në raundin tjetër të Ligës së Kampionëve.