Monako befason Juven, i rrëmben talentin e Xhenoas

Në ditën e lamtumirës së Françesko Toti, në futbollin italian u prezantua një talent i madh si Pietro Pelegri. Ishte 28 marsi i vitit 2017, ishte vetëm 16 vjeç, teksa shënoi një nga golat në humbjen 3-2 ndaj Romës. Ai u bë futbollisti më i ri që shënon në Seria A, ndërkohë që pas 6 muajsh ai është gati për t;u larguar nga Xhenoa.

Pelegri mund të quhet tashmë futbollisti më i ri i Monakos, teksa është transferuar për shifrën e 31 milioonë euro. Pelegri u ble nga klubi nga “Principata” që fitoi garën ndaj Juventusit, me ofertën e parezistueshme prej 31 milionë eurosh, 21 menjëherë në arkat e klubit dhe 10 milionë euro bonus.

Skuadra franceze ka përgatitur kontratën 5-vjeçare për lojtarin, me pagën që nis nga një milion euro në vitin e parë, për tu rritur në sezonet në vazhdim. Pietro Pelegri numëron 9 ndeshje të luajtura në Serinë A dhe tre gola të realizuar. Pasi shkruajti historinë në futbollin italian, djaloshi do të kërkojë fatin në Francë, ashtu si Keita Balde, në verë.