‘Mos e krahasoni Dybalanë me Messin’, -Deklarata e legjendës së Juventusit

Edgar Davids thotë se Paulo Dybala nuk bënë të krahasohet me Leo Messin, i cili për momentin është në një tjetër nivel.

Në një intervistë për “Gazzette dello Sport”, legjenda e Juventusi nënvizon se krahasimet me Messin dëmtojnë jo vetëm Paulo Dybala por edhe ekipin bardhezi, shkruan “Football-Italia”.

“Nëse dëshironi të lëndoni Dybalan, atëherë vazhdoni me krahasime. Ne duhet ta lëmë të rritet në paqe. Juventus ka një talent të jashtëzakonshëm, por ai nuk ka nevojë për gjithë këtë presion. Kurora e Messit është e rëndë, ai për momentin është në një tjetër nivel. I shënon me dhjetëra gola për sezon, veçanërisht në ndeshjet vendimtare. Dybala duhet të rritet edhe më shumë dhe ka shumë rrugë përpara”, u shpreh ai.

Kujtojmë që sot në mbrëmje Barcelona do të presë në ‘Camp Nou” skuadrën e Juventusit në ndeshjen e vlefshme për Grupin D në Champions League.