“Mosmirënjohësi” Neymar, këshillon Coutinhon: Mos shko te Barça!

Drejtuesit e Barcelonës e cilësojnë brazilianin Philippe Coutinho si zëvendësuesin e Neymar. Coutinho shikohet si futbollisti ideal që mund të luajë në krah të Messit dhe Suarezit. 90 milionë euro ishte oferta e parë e Barçës për Coutinhon, ndërsa më e fundit ka qenë 150 milionë euro, por sërish anglezët hezitojnë të pranojnë dhe të lirojnë brazilianin. Kështu, drejtuesit katalanas tani duhet të bëjnë llogaritë edhe me dëshirën e Coutinhos, ndërsa kanë mbetur vetëm 48 orë kohë nga mbyllja zyrtarisht e merkatos verore.

Por krahas refuzimit të Liverpool, edhe Neymar kërkon t’i prishë punë ish ekipit të tij, Barcelonës. Sipas raportimeve të mediave spanjolle, sulmuesi i Parisit ka këshilluar Coutinhon të mos transferohet te Barcelona, pasi atmosfera atje nuk është aspak e këndshme.