Mundje në Kategorinë e Parë, shikoni si e plas në tokë lojtari i Shënkollit kundërshtarin (VIDEO)

Dhuna është një fenomen që nuk di të ndalet në futbollin shqiptar. Pas skenave të shëmtuara në Kavajë ku u goditën me sende të forta gjyqtarët e sfidës, një tjetër incident u regjistrua këtë fundjavë në Kategorinë e Parë.

Bëhet fjalë për përballjen mes Veleçikut dhe Shënkollit të zhvilluar në fushën sportive “Reshit Rusi” në Shkodër, ku futbollistët e të dyja skuadrave u përplasën me njëri-tjetrin.

Në pamjet e publikuara, shikohet qartë se si lojtari me numrin 11 i Shënkollit plas në tokë kundërshtarin. Një veprim i denjë më shumë për sportin e mundjes. Pas takimit janë shkatërruar edhe dhomat e zhveshjes. Përballja u fitua nga Veleçiku me rezultatin 3-1.