Në Francë plas grushti në fushë, mes dy lojtarëve … të të njëjtit ekip (VIDEO)

Ndodh shpesh që të shohim përplasje në fushë, madje edhe fizike mes dy lojtarëve të ekipeve të ndryshme, por në Francë ka edhe çudira.

Një episod i rrallë ka ndodhur në ligën e dytë franceze në ndeshjen midis Quevilly dhe Auxerre. Në minutën e 80-të të lojës, lojtarët e Auxerre, Polomat dhe Barreto, fillimisht debatuan mes tyre dhe më pas nuk i kursyen as grushtat.

Një lojtar kundërshtar ai që hyri në mes për t’i ndarë, ndërsa pak sekonda më vonë mbërritën edhe të tjerë. Arbitri nuk ka toleruar dhe i ka ndëshkuar të dy lojtarët me karton të kuq.