Nëse shënon ndaj Sportingut, Messi arrin këtë shifër të çmendur golash në Europë

Ndeshja mes Barcelonës dhe Sporting Lisbonës në Ligën e Kampionëve do të jetë e veçantë për Lionel Messin.

Pesë herë fituesi i “Topit të Artë” deri tani ka shënuar 99 gola në garat europiane, 96 në Ligën e Kampionëve dhe tre të tjera në Superkupën e Europës.

Shifrën prej 99 golave në garat europiane e arriti me finalizimet kundër Juventusit në ndeshjen e parë për këtë edicion në Ligën e Kampionëve.

Goli i ardhshëm në Champions League do të jetë i 100-ti në Europë për Messin dhe argjentinasi është i bindur që do ta arrijë këtë në sfidën ndaj Sporting Lisbonës.

I pari që e ka arritur këtë shifër është Cristiano Ronaldo që deri tani ka shënuar 109 gola në Europë (107 gola në Ligën e Kampionëve dhe dy të tjera në Superkupën Europës).