Neymar drejt largimit nga PSG-ja, gati rikthimi i bujshëm te Barcelona?

Neymar mund të rikthehet sërish te Barcelona sipas mediave iberike.  “Cadena SER” shkruan se lojtari ka një marrëveshje me PSG që e lejon të largohet verën e ardhshme për 220 milionë euro.

Nëse Barcelona merkaton e ardhshme nuk arrin marrëveshje me PSG-në për transferimin e Neymar, ky transferim raportohet se në verën e vitit 2020 mund të bëhet për një shumë më të ulët se 200 milionë euro. Këtë situatë po e monitoron edhe Real Madrid, që asnjëherë nuk e ka fshehur dëshirën për të pasur në skuadër Neymarin.

Kujtojmë që sulmuesi brazilian në verën e vitit 2017 për 222 milionë euro la Barcelonën për t’iu bashkuar Pars Saint Germian, për t’u bërë futbollisti më i shtrenjtë në histori. Neymar nuk ndihet aspak mirë, që nuk ka mundur të ketë rolin që kishte synuar, pasi duket se Mbappe i ka marr “skenën” duke shkëlqyer dhe shënuar shumë gola vendimtar.