Ngatërrimi i himnit të ekipit kuqezi, UEFA ndëshkon Francën

Ngatërrimi i himnit të ekipit kuqezi në stadiumin “Stade de France” i ka kushtuar kombëtares së ”gjelave” 20 mijë euro gjobë nga UEFA. UEFA vendosi një gjobë të tillë ndaj Federatës Franceze të Futbollit për shkak të ngatërrimit të himnit të Shqipërisë dhe fillimit me vonesë të takimit Francë-Shqipëri.

Në takimin e 7 shtatorit, francezët gabuan me himnin, duke e ngatërruar atë shqiptar me të Andorrës por që gabimi i personit që po fliste në migrofon e rëndoi më tepër situatën pasi iu kërkoi ndjesë tifozëve të Aemenisë dhe dhe jot ë Shqipërisë.

Kjo bëri që në “Stade de France” sfida Francë-Shqipëri të fillojë me 7 minuta me vonesë. UEFA hapi një “çështje disiplinore” dhe Komisioni i Disiplinës ka marrë vendimin për të gjobitur me 20 mijë euro Federatën Franceze për “organizim të pamjaftueshëm”.