Nis epoka e re e Dinamo City, Di Biagio prezanton fanellat me Mourinhon

Dinamo City nis një epokë të re. 18 herë kampionët e Shqipërisë kanë nisur një epokë të re, nën drejtimin e Luigi Di Biagio. Tekniku i kryeqytetasve ka prezantuar fanellën e re të “nëndetëses”, ku shihet dhe logo e re e Dinamo City.

52-vjeçari italian, fanellën e parë të re ia dhuroi trajnerit të Romës, Jose Mourinho. I cili ishte në Tiranë të shtunën, pasi Roma luajti miqësoren me Partizanin në “Air Albania”.

Ndeshja e parë për Dinamon në sezonin e ri në Superiore do të jetë me Tiranën. Skuadra do të zbresë në derbin me fanellat e reja, ndërkohë që pritet të ketë lëvizje në merkato në këto ditë të fundit. Me Di Biagion që pret afrime në të gjitha repartet.