Një rast pozitiv me Covid-19 te Atalanta, anulohet konferenca e Gasperinit

Rastet me koronavirus po shtohen së tepërmi në kampionatin italian. Së fundmi edhe te skuadra e Atalantës është konfirmuar një rast pozitiv.

Lajmi është dhënë nga vetë klubi bergamask, që ka njoftuar se për rrjedhojë do të anulohet edhe konferenca për shtyp e trajnerit Gian Piero Gasperini, e planifikuar për t’u mbajtur sot në orën 13:30.

Ndërkohë vlen të theksohet se ende nuk bëhet e ditur se cili është personi i prekur nga koronavirusi dhe nëse bëhet fjalë për ndonjë futbollist apo pjesëtar të stafit teknik. Bergamaskët kanë kryer tamponë të tjerë, teksa është në rrezik edhe ndeshja me Cagliarin.