Njihuni me dy skuadrat evropiane qe nuk kanë pësuar asnjë humbje këtë sezon

Barcelona dhe Manchester City janë dy skuadrat e vetme ende pa humbje këtë sezon në pesë ligat më të mëdha europiane.

Pas 17 javëve në La Liga, Barcelona regjistron dy barazime dhe 15 fitore, triumfi i fundit ishte të shtunën në “Santiago Bernabeu” 3-0 ndaj Real Madridit.

Pas 17 xhirove, katalunasit kanë realizuar 45 gola, teksa kanë pësuar vetëm shtatë, mbrojtja më e fortë në La Liga.

Në anën tjetër, Manchester City po thyen rekorde në Premierligë, fitorja 4-0 kundër Bournemouthit ishte e 17 me radhë, rekord historik në Angli.

Skuadra e Pep Guardiolas gjendet në vendin  e parë me 55 pikë, 13 më shumë se vendi i dytë.

Man City dhe Barcelona janë skuadrat më në formë në Evropë dhe dy favoritët kryesor për ta fituar Champions Leaguen.