Nuk ka derbi shqiptarësh, Ancelotti “pret në besë” Hysajn

Mbrëmjen e sotme në Seria A do të luhet super ndeshja mes Napolit dhe Lazios. Në këtë ndeshje pritej që të kishim një derbi shqiptarësh mes Elseid Hysajt dhe Thomas Strakoshës, por nuk do të ndodhë kështu.

Ancelotti ka vendosur që mbrojtësi shkodran ta nisë ndeshjen nga stoli, duke aktivizuar nga minuta e parë Malcuit. Në sulm do të luajnë Milik dhe Mertens,

Në krahun tjetër Lazio si gjithmonë do të luajë me Strakoshën në portë, ndërkohë që Immobile do të jetë pika e referimit në repartin e sulmit, i mbështetur nga Luis Alberto. /Koha Jone/