Nuk ka surpriza në Durrës, Tirana shkon në finalen e Kupës dhe sfidon Egnatian

Teuta dhe Tirana nuk kanë shkuar më shumë se një barazim pa gola në gjysmëfinalen e kthimit të Kupës së Shqipërisë.

Falë fitores 3-0 në ndeshjen e parë bardheblutë kualifikohen në finalen e këtij edicioni të Kupës së Shqipërisë, aty ku do të kenë përballë Egnatian.

Tirana do të luajë finalen e 27-të në historinë e klubit, ndërsa për rrogozhinasit sfida e 1 qershorit do të jetë historike, pasi luajnë finalen e parë, që kur është themeluar klubi.