Nuk pritej, Ballack: Ja kush do ta fitojë Champions Leaguen

Ish-lojtari i Bajernit të Mynihut, Michael Ballack beson se Real Madrid këtë sezon do ta fitojë për herë të tretë radhazi trofeun e Champions Leagues.

Legjenda gjermane insiston se “Los Blancos” për momentin nuk ka konkurrencë në Europë, pasi sipas tij vetëm PSG-ja mund ta ndalë skuadrën spanjolle, shkruan “elbernabeu”.

“Për mua, Real Madrid për momentin është në krye të gjithave. Ka përvojë, klas dhe sukses në vitet e fundit. As PSG me gjithë ato transferime nuk është në nivel të Realit për momentin. Ata janë top skuadër dhe janë të gatshëm ta fitojnë sërish Ligën e Kampionëve edhe pse ka edhe skuadra tjera që mund ta bëjnë. Në letër, Real Madrid është favorit në Champions League”, tha Ballack.

Kujtojmë që Reali në dy vitet e fundit ka mposhtur në finale Atletico Madridin dhe Juventusin.