Nuk shkëlqeu ndaj Pafos në debutim, Zhegrova: Faleminderit nga zemra tifozëve!

Edon Zhegrova ka dhënë një shembull të qartë profesionalizmi pas ndeshjes Juventus-Pafos. Edhe pse performanca e tij nuk ishte në nivelin e pritur dhe trajneri Spalletti vendosi ta zëvendësonte që në pushim, talenti kosovar reagoi me qetësi dhe elegancë.

Në rrjetet sociale, ai publikoi një mesazh mbështetjeje për skuadrën, duke vënë përpara gjithçka unitetin dhe objektivat kolektive. Me këtë qëndrim, Zhegrova ka treguar se është i gatshëm ta marrë kritiken si motivim dhe të vazhdojë të punojë për t’u rikthyer më i fortë në ndeshjet e ardhshme.

“Fitore e madhe sonte!”, shkroi ai, i shoqëruar me një foto nga ndeshja. Zhegrova i dedikoi gjithashtu një falënderim të veçantë publikut të Allianz Stadium, i cili pavarësisht disa fishkëllimave në pjesën e parë, nuk reshti së mbështeturi: “Faleminderit me zemër të gjithë tifozëve për mbështetjen e jashtëzakonshme. Kjo energji na çon gjithmonë më larg”.

Zhegrova e përballon qetësisht një mbrëmje jo të mirë, duke treguar se është plotësisht i fokusuar te objektivat kolektive: fitorja dhe kualifikimi.