Oferta joshëse e Interit, Mustafi jep përgjigjen zyrtare në ditën e fundit të merkatos

Shkodran Mustafi zyrtarisht do të qëndrojë tek Arsenali.

Lajmi është zyrtarizuar nga babi i futbollistit shqiptar që refuzoi ofertën joshëse të Interit, shkruan “tuttomercatoweb”.

Në një prononcim për mikrofonat e “FussballTransfers.com”, Kujtim Mustafi tha: “Unë jam agjenti i tij dhe jam i qetë në shtëpi. Asgjë nuk do të ndodhë sot”

Interi u tregua e gatshme për të shpenzuar rreth 30 milionë Euro për të blerë kartonin e Mustafit. Kujtojmë që mbrojtësi i përfaqesueses gjermane ka një kontratë me Arsenalin deri në verën e vitit 2021.

/ SYRI.net /