Pamje të tmerrshme, Marcelo i thyen këmbën kundërshtarit më pas nis të qajë (VIDEO)

Legjenda braziliane e Real Madridit, Marcelo është bërë protagonist për keq në sfidën e vlefshme për kupën Libertadores, teksa Fluminense luajti përballë Argentinos Juniors.

Mbrojtësi i majtë ishte duke realizuar një driblim, por që përfundoi duke i thyer këmbën kundërshtarit. Në minutën e 57-të të ndeshjes, Marcelo shkeli me takë këmbën e 29-vjeçarit Luciano Sanchez dhe e kuptoi menjëherë që ndërhyrja ishte fatale, duke bërë shenjë që të ndalet loja.

Pasi pa këmbën e kundërshtarit në gjendje të mjerueshme, Marcelo nuk i mbajti dot lotët duke shpërthyer në të qara.