Partizani ‘mëson’ në Itali për sezonin e ri

Partizani niset drejt Italisë, ku do të kryejë fazën përgatitore. Siç është njoftuar edhe gjatë ditëve në vijim nga ana e klubit të kuq, skuadra do të akomodohet në “Grand Hotel Elite” në Kashia, nga sot deri në 31 gusht për të nisur përgatitjet në prag të sezonit të ri futbollistik 2017 – 2018.

Klubi i Partizanit ka zbardhur edhe axhendën duke njoftuar se sot pasdite është parashikuar të zhvillohet edhe një seancë stërvitore, e cila do të jetë edhe e para për trainerin Mark Iuliano në drejtimin e skuadrës.

Përgjatë fazës përgatitore pjesë e axhendës do të jetë edhe miqësorja ndaj Ternanës e programuar për t’u luajtur në datën 19 gusht.