Partizani niset për në Ohër, së bashku me skuadrën udhëton e Asani

Partizani niset drejt Ohrit për të zhvilluar në kushte sa më optimale fazën përgatitore dhe e bën këtë me risi. Me të kuqtë drejt Maqedonisë së Veriut është nisur edhe Jasir Asani i rikthyer nga huazimi 6-mujor te AIK Stockholm, edhe pse ky i fundit është shumë pranë transferimit në Superligën turke te Sivasspor.

Gjithsesi përpara se të bëjë hapin e madh në karrierë, Asani do të stërvitet edhe disa ditë në Ohër me Partizanin. Klubi i kuq ka njoftuar gjithashtu në faqen zyrtare se në Ohër do të zhvillojë edhe disa sfida miqësore.

Në dy testet e para përgatitore për sezonin e ri, skuadra e Ilir Dajës ka barazuar 1-1 me Korabin dhe u mposht 0-1 nga Egnatia.