Partizani nuk ndalet në merkato, zyrtarizon blerjen e dytë

Partizani është mjaft aktive në orët e fundit në merkato. Të kuqtë pas zyrtarizimit të Belicës, tashmë kanë prezantuar një tjetër futbollist. Bëhet fjalë për Renato Gojkoviç, i cili zë vendin e lënë boshë nga largimi i Renato Malotës dhe Gëzim Krasniqit gjatë merkatos së janarit.

Mbrojtësi 22 vjeçar, është afruar nga kampionati kroat ku është aktivizuar së fundmi në ekipin e NK Istra, ka nënshkruar me 15-të herë kampionët e vendit një kontratë për 2 vite e gjysmë. Gojkoviç pasi ka kryer vizitat mjekësore, i është bashkuar ekipit në seancën e radhës që ka zhvilluar sot.

Trajneri Starova në këtë mënyrë do të ketë në dispozicion për pjesën e dytë të sezonit një tjetër mbrojtës. /Koha Jonë/