Pedro i dhuron 3 pikë Romës me një silurë, Kumbulla feston fitoren e parë (VIDEO)

Roma merr 3 pikët e para në këtë sezon në Seria A. Skuadra verdhekuqe fitoi 1-0 në fushën e Udinezes. Sfidën e vendosi një gol fantastik i shënuar nga Pedro në fillimin e pjesës së dytë.

Futbollisti spanjoll lëshoi një “bombë” nga distanca në minutën e 55-të, teksa sfera u përplas në shtyllë dhe më pas shkoi në rrjetë.

Marash Kumbulla zhvilloi një tjetër ndeshje shumë të mirë, teksa shijon fitoren e parë, në ndeshjen e dytë me fanellën verdhekuqe. Udinese tentoi, por deri në fund nuk ia doli të barazonte rezultatin.