Përforcimi i madh i Interit vjen në Itali, nesër do kryejë vizitat mjekësore

Mbrojtësi i majtë i Nice, Dalbert, ka arritur në Itali, ku do të kryejë testet mjekësore dhe më pas do të transferohet tek Interi.

Klubi zikaltër gjatë gjithë verës ka qenë në negoaciata me Nice për Dalbert, i cili më në fund do të zyrtarizohet si lojtar i skuadrës italiane.

FCInterNews shkruan se Dalbert tashmë ka arritur në Itali dhe nesër pritet të kryejë testet mjekësore para se të nënshkruajë kontratë 5-vjeçare.

Për shërbimet e lojtarit, Inter do të paguajë 20 milionë euro, plus pesë të tjera bonuse, në varësi të sukseseve.