Pique një mjeshtër i pokerit, ja sa ka fituar brenda natës…

Përveç futbollit, Gerard Pique është një mjeshtër i vërtetë edhe në poker pasi së fundmi mbrojtësi spanjoll ka fituar 129,350 euro në një Kazino të Barcelonës.

Pique përfundoi në vendin e pestë në një turne pokeri i quajtur “No Limit Holden” , ku vetëm regjistrimi në të kushton 25,000 euro.

Eventi i cili filloi në ora 12:30 të enjten më 24 gusht dhe mblodhi së bashku 66 pjesëmarrës, është pjesë e festivalit të pokerit të njohur si “Pokerstars Championship Barcelona” .

Kjo është hera e katërt që mbrojtësi i Barcelonës merr pjesë dhe kthehet në shtëpi me shuma të majme.