Plas te Partizani, Starova sherr me Trashin në miqësore

Pas problemeve në 16 javët e para në kampionët, te Partizani plasin polemika të tjera. Largimi i Malotës, Krasnqit dhe Vilës, është shoqëruar edhe nga të tjera zhvillime aspak të këndshme.

Gjatë ndeshjes miqësore me ekipin gjerman Berliner, ka pasur një përplasje mes mesfushorit Lorenc Trashi dhe trajnerit Sulejman Starova. Debati mes të dyve ishte aq i fortë sa trajneri i kryeqytetasve urdhëroi që mesfushori gramshiot të dëbohet nga hoteli.

Pritet që të mësohet në orët në vijim se cili do të jetë qëndrimi i klubit, por në të tilla kushte, Trashi duket thuajse i larguar nga të kuqtë.