‘Plas’ tek Bajerni, Robben: Ja fajtori për humbjen ndaj PSG-së

Bajerni ishte shumë i vogël për t’i bërë ballë fuqisë së Paris Saint Germain me “yjet” e saj që janë të etur për të fituar.

Arjen Robben nuk pranoi të mbështeste publikisht trajnerin italian, duke ndezur edhe më tej situatën në dhomat e zhveshjes.

 “Ishte një ndeshje shumë e dobët nga ne. Nuk kishim ide dhe nuk organizoheshim dot për të dalë përpara. Kundërshtari nuk na lejonte të dilnim në lojën tonë. Nuk është momenti për të vendosur gishtin, të gjithë luajtëm keq, faji rëndon mbi të gjithë. Tashmë duhet të ulim kokën dhe të punojmë për ndeshjen e ardhshme. A e mbështesim të gjithë Ancelottin? Nuk do i përgjigjem kësaj pyetjeje”, tha Robben, shprehur në fytyrë zhgënjimin e tij.

Carlo Ancelotti nuk përfshiu në formacionin fillestar yjet Robben e Ribery, duke besuar te James dhe Tolisso. Vetëm në pjesën e dytë pati disa minuta për holandezin, ndërsa Ribery nuk u përdor fare.

Kujtojmë që PSG fitoi me rezultatin 3-0 përballë Bajernit.