Pogba darkon me Messin, shtohen thashethemet për kalimin te Barcelona

Paul Pogba është fotografuar duke darkuar me Leo Messin në Dubai. Francezi nuk është grumbulluar me kombëtaren, ndërsa është takuar së bashku me argjentinasin në Dubai, teksa kanë darkuar tek restoranti i famshëm i Salt Bae’s.

Mediat britanike madje kanë zbuluar edhe një pjesë të bisedës së tyre, ku francezi kishte bërë një shaka me “pleshtin”, duke i kujtuar atë bllokim që Kante i kishte bërë Messit.

Por si të mos mjaftonte kjo, mediat që tani kanë filluar të shkruajnë rreth një kalimi të Pogba drejt Barcelonës. Skuadra blaugrane se është e gatshme të paguajë 100 milionë euro për lojtarin, shifër që nuk duket e pranueshme për United.