Portieri i Young Boys flet ‘pa doreza’ për Skënderbeun

Portieri i Young Boys, David Ballmos, është i bindur se sot do të fitojë skuadra e tij në “Elbasan Arena”. Para mediave 22-vjeçari theksoi se nuk ka asnjë arsye që skuadra zvicerane të frikësohet nga Skënderbeu.

“Fjala frikë nuk ekziston. Nuk e kemi frikë për asgjë Skënderbeun. Mirëpo, e respektojmë. Jemi përgatitur për këtë ndeshje, pasi ekipi shqiptar ka lojtarë me cilësi dhe të shpejtë, sidomos në repartin e avancuar”, u shpreh portieri titullar i zviceranëve.