Presidenti i Francës në stërvitjen e Marsejës, trajneri Garcia i dhuron fanelën e… Tottit

Presidenti i Francës, Emmanuel Macron, është tifoz “i çmendur” i Marsejës dhe dje ka lënë për pak kohë pushimet dhe impenjimet që vazhdojnë edhe gjatë tyre për t’i bërë një vizitë skuadrës së zemrës.

Macron shkoi në stërvitje, ku gjuajti disa topa e bisedoi me lojtarët, të cilët e mirëpritën vizitën e presidentit, ashtu si dhe trajneri Rudi Garcia.

Garcia i dhuroi presidentit Macron edhe një fanellë me numrin 10, veçse jo atë që mban Payet te Marseja, por atë që mbante Francesco Totti te Roma, skuadër të cilën Garcia e ka drejtuar më parë.

“Tifoz i OM dhe tifoz i madh i futbollit. Faleminderit për vitizitën tuaj, President”, shkruan Garcia në Twitter.