Presidenti zbulon largimin e Qakës, por mund të mbetet në Rumani

Kamer Qaka mund të mbetet sërish në Rumani. Mesfushori i kombëtares sonë kërkohet nga disa skuadra në merkaton e janarit, teksa Politenhika Iasi është gati që ta lërë të lirë në rast të një ofertë të mirë financiare. Presidenti Adrian Ambrosie është shprehur i gatshëm për ta lënë të lirë nëse vjen një ofertë prej 1 milion euro.

Në një deklaratë të dhënë së fundmi për mediat në Rumani, numri një i kësaj skuadra ka zbuluar dhe skuadrën e fundit që ka shprehur interes për Qakën.

“Për Qakën ende nuk kemi marrë ndonjë ofertë konkrete, por menaxheri i tij është në bisedime me disa klube në Itali dhe Spanjë. Megjithatë, edhe skuadra portugeze e Bragës ka shprehur interes për lojtarin tonë. Ka edhe skuadra nga League 1 që na kanë kontaktuar për Qakën, dhe skuadra e fundit ka qenë CSU Craiova. Ata kanë shprehur interes për kontratën e Qakës. Ne duam që ta mbajmë deri në verë, por do të jetë shumë e vështirë, duke ekipet e interesuara, u shpreh presidenti Adrian Ambrosie.

22-vjeçari ka debutuar vetëm disa minuta në miqësoren ndaj Turqisë, por që pas asaj ndeshje interesimi për të nga ekipe të njohura sa vjen e bëhet edhe më i madh. /Koha Jonë/