PSG i pamëshirshëm, shkatërron Amiens edhe pa Neymar (VIDEO)

PSG është e pandalshme këtë sezon në Ligue 1. Ekipi i Thomas Tuchel ka fituar me lehtësi 5-0 ndaj Amiens, duke rrëmbyer fitoren e 10-të në po kaq ndeshje gjatë këtij sezoni në kampionat.

Në duelin e sotëm Marquinhos hapi serinë e golave në minutën e 12-të, ndërkohë që 3 minuta nga fundi i pjesës së parë, gjeti rrugën e rrjetës edhe Rabiot. Në pjesën e dytë ishte radha e Draxler, Mbappe dhe Diaby për të shënuar emrin në listën e shënuesve.

Në këtë ndeshje strategu gjerman la pushim shumë yje si Meunier, Neymar, Kimpembe, Thiago Silva dhe Kurzawa. /Koha Jone/