Rekord tifozësh skocezë në Shqipëri për ndeshjen që luhet në Shkodër

Do jenë 2 200 skocez në Shqipëri për të ndjekur ndeshjen e Ligës së Kombeve Shqipëri-Skoci, e programuar për tu luajtur të shtunën në “Loro Boriçi” të Shkodrës. Sportivisht skocezët kanë “pushtuar” Shqipërinë për një ndeshje futbolli dhe kjo është e jashtëzakonshme. Sipas Federatës Shqiptare të Futbollit deri më tani janë shitur 2 180 bileta. Shifrat janë të konsiderueshme dhe vendosin një rekord, pasi është hera e parë që në Shqipëri vjen një numër i madh tifozësh për një ndeshje futbolli.

Rekordi ishte vendosur më parë nga Anglia, pasi në vitin 2001, rreth 500 tifozë kishin udhëtuar drejt Shqipërisë. Skocezët e kanë katërfishuar, madje dhe e kanë tejkaluar atë shifër. Ata kanë ideruar të zhvillojnë një fundjavë sportive për tu mbajtur mend në Shqipëri. Gjithashtu, thuhet se një grup tifozësh i quajtur “Tartan Army” ka dhuruar një çek prej 5 mijë paund, një fondacioni shqiptar që merret me fëmijët në vendin tonë.