Rekordmeni Ali Daei: Do ishte nder nëse do më kalojë Ronaldo!

Ish-sulmuesi iranian Ali Daei ka folur për mundësinë që Cristiano Ronaldo të kalojë rekordin e tij si golashënuesi më i mirë i të gjitha kohërave me një kombëtare.

“Shpresoj sinqerisht që Cristiano ta arrijë rekordin tim. Do të ishte një nder i madh për mua nëse një lojtar me klasin e tij do të arrijë të më kalojë. Ronaldo është një nga futbollistët më të mirë jo vetëm të kësaj epoke, por i gjithë historisë së futbollit”, ka thënë Daei për gazetën portugeze Record.

Daei mban rekordin me 109 gola, 7 më shumë se Cristiano Ronaldo.