Rezultoi pozitiv në doping, Jashanica: I takon klubit që të vendosë!

Bajram Jashanica ka qenë në dijeni të lajmit se ka rezultuar pozitiv në një kontroll anti-dopingu në sfidën kundër Jang Bojs në Europa League. Mbrojtësi i Skënderbeut ka folur për herë të parë për këtë çështje në një prononcim për gazetën “Sport Ekspres”

“Po, kam mësuar që kam rezultuar pozitiv për një ilaç të përdorur pak muaj më parë, nuk kam ç’të them. Realisht, nuk e kemi ditur që kemi përdorur ndonjë medikament të ndaluar, ndaj tashmë të shohim, klubi do të vendosë për procedurën e mëtejshme, duhet të flasim me UEFA-n”, ka thënë Jashanica.